Des „Meidlinger L“

Des Lebn bei uns zeigt auf der Stell:
In Meidling gibt’s a eignes „L“.
Des „L“ in Meid-ling spricht si aus,
åls wär man ganz allanig z’Haus,

wei-l man die Zungen net versteckt,
doch l-eicht bei_d’ Zahnderln ausse streckt.
Des widerspricht jå weit und breit
der ållgemeinen Höflichkeit.

Doch Meid-ling is då sehr spezie-ll,
wei-l schließ-lich l-iebt man dort sei „L“.
Natür-lich gaabert’s Theorien,
warum si des im Rest von Wien

net durchgsetzt håt und wieso man
des „L“ dort anders sprechen kann.
Doch Theorien san genere-ll
sehr vage und eventue-ll,

weshålb’s l-eicht sei kann, dass man nie
die Meid-linger Anatomie
total versteh kann. Potentie-ll
gibt’s nur a Meid-ling, doch zwa „L“.

(aus dem im September 2010 erscheinenden Buch "Des Lebn bei uns")